Azul fell-awen

Azul fell-awen, ur ẓriγ ma yella irezzu-d γer da win yeldin anmager-agi ? Γef wakken ttwaliγ, tgerrez aṭas tekti-yagi, anmager d allal iwulmen iwakken ad yili umeslay gar-aneγ yernu s tmeslayt-nneγ, yal yiwen a d-yefk tamussni-s, ad yesselmed wid ur nessin ara kra n wawal, neγ amek ara yaru, a d-yessegzi anamek n kra n wawal ur nettwassen akken yessefk, annect-agi yakk ixuṣṣ-aγ, imi ur ggten ara imukan anda ara nelmed, ssarameγ-as i wenmager ad yaččar, ad yennerni s tektiwin n yakk imazγawalen anda bγun ilin.

Ar tayeḍ !

Azul fell-ak a Ameslay,

Tanemmirt γef yizen-nnek (message). Win ay d-yesbedden anmager-a (forum) irezzu-d fell-as, ih.

Ay-n d-tenniḍ d tidet, yessekf ad tili tqaεet anda ara nezmer ad nessiwel s yiles-nneγ ed ad nembaddal isalan fell-as, yal wa ad yesselmed i wayeḍ taγawsa ur yessin γef yiles ed yedles-nneγ. D ay-a ay γef ay aγ-d-tufiḍ nekkat ḍḍbel seg useggas n 2002. Seg yimir-nni ay as-nettini (neqqar) yessekf ad nesseqdec Internet i lmend n wesnerni n yiles-nneγ, yessekf ad nfaṛes ad t-nesseqdec akk-n Imaziγen n tmura ed tmiwa yemgerraden ad myussanen gar-asen ed ad mbaddalen timussniwin-nsen.

Tanemmirt-nnek ed nessaram ad tiliḍ d yiwen seg yimawasen (contributeurs) imeqranen n udeg-nneγ.

Ar timlilit a gma

Čč Ḍ ḍ Ğğ Ḥḥ Γ γ
Ṛ ṛ Ṣ ṣ̣ Ṭ̣ ṭ Ẓ ẓ Σ ε